УИХ-ын нэгдсэн чуулган дээр УИХ-ын гишүүн чуулган дээр хэлсэн үгнийхээ төлөө хариуцлага хүлээдэггүй. Гэтэл сүүлийн жилүүдэд УИХ-ын нэгдсэн чуулганд мэдээлэл өгсөн төрийн албан хаагчид хүртэл чуулганы индэр дээрээс худал мэдээлэл тараадаг болсныг УИХ-ын гишүүн Х.Тэмүүжин хэллээ.

Өөрөөр хэлбэл, сайд, төрийн нарийн бичгийн дарга, газар, хэлтсийн дарга нар түүнээс доош албан тушаалтнууд чуулганы танхимд худал мэдээлэл өгсөн ч хариуцлага хүлээхгүй байгаа юм байна. Тиймээс худал мэдээллийг хязгаарлахтай холбоотойгоор хууль өргөн барихаар болсныг мэдээллээ.