ЗГХЭГ-ын дарга Н.Учрал стратегийн 39 ордын 34 хувийг Хуримтлалын санд шилжүүлэх буюу төрд авах асуудлыг хариуцаж байгаа. Гэвч өнөөдрийн Засгийн газрын хуралдааны дараа хийсэн мэдээлэлдээ 39 стратегийн ордтой холбоотой санхүүгийн хяналт шалгалт хийж байж тухайн ордыг төрд авах эсэхээ шийдвэрлэнэ гэж хэллээ.

Өөрөөр хэлбэл, тухайн орд газруудыг эзэмшиж байгаа компанийн гарааны нөхцөл ямар байгааг тогтооно гэж байна. Ингэж байж төрд авах ажлыг эхлүүлнэ. Дээрх асуудлыг тогтоохгүй бол монголын ард түмэн дааж давшгүй өр төлбөр төлөх эрсдэлтэй гэж ярилаа.