Сонгинохайрхан дүүргийн хуучин эцсийн автобусны буудал дагуу байрлах 67 дугаар сургуулийн ачаалал эрс нэмэгдсээр байна. 1460 хүүхдийн суудалтай хоёр ээлжээр хичээллэж байгаа тус сургууль ирэх хичээлийн жилд гурван ээлжээр хичээллэхээр байна. Учир нь одоогийн байдлаар хүчин чадлаа эрс давж 2780 сурагч суралцаж байна. Мөн дүүргийн буруу зохион байгуулалтаас болж автозамын ачаалал сургуулийн орчимд эрс нэмэгджээ.