Олон улсын жүдо бөхийн холбоо (IJF)-оос зохиодог дэлхийн цуврал тэмцээний нэг Душанбегийн их дуулга амралтын өдрүүдэд боллоо. Тажикистаны нийслэлд 27 орны 226 тамирчин цугласан тэмцээнд Монголын шигшээ багийн 16 тамирчин оролцсоноос таван медаль авлаа.

Эмэгтэй -48 кг жинд 18 настай Жамсрангийн Анударь шигшээ 16-д Туркменистаны Лэйли Гелдиева, шөвгийн наймд Узбекистаны Улбусин Хакимова, шөвгийн дөрөвт Францын Мелани Лэгу Клемен, финалд Хятадын Вэнна Жуан нарыг ялж алтан медаль хүртэв.