УИХ дахь намын бүлгүүд даваа гаригт хуралдаж, тухайн долоо хоногийн хурлууд дээр байр сууриа нэгтгэдэг. Нэг үгээр улс төрийн үзэл баримтлал, байр сууриа дэмжих, дэмжихгүй байхаар саналаа нэгтгэдэг юм. Тэгвэл өнөөдөр УИХ дахь МАН-ын бүлэг хуралдаж зарим асуудлаа хэлэлцэж байна. Тус намын бүлэг сүүлийн 2-3 долоо хоног дараалан хурлаа хийж чадахгүй байсан бөгөөд шалтгаан нөхцөлийг УИХ-ын гишүүдийн ирц, томилгоотой холбоотой гэж тайлбарлаж байгаа юм.

Нөгөө талаар УИХ дахь АН-ын бүлэг өнгөрсөн долоо хоногт Ерөнхий сайд Л.Оюун-Эрдэнийг УИХ-ын гишүүн Ж.Баярмааг доромжиллоо хэмээн үзэж уучлалт гуйхыг шаардсан. Ерөнхий сайд Л.Оюун-Эрдэнэ уучлалт гуйгаагүй байгаа тул хэрхэх учраа МАН-ын бүлэг олоогүй байна.