Монгол Ардын намын Бага хурал Ерөнхийлөгчийн Тамгын газрын дарга Г.Занданшатарыг дараагийн Ерөнхий сайдад нэр дэвшүүлсэн. Бага хуралд оролцогчдын 67 хувь нь Г.Занданшатарыг, 32 хувь нь Г.Тэмүүлэнг дэмжсэн юм. Тэгвэл өнөөдөр МАН-ын генсек Я.Содбаатар Ерөнхийлөгчид Г.Занданшатарыг Ерөнхий сайдаар томилуулах бичгийн өргөн барьж, улмаар УИХ дахь намын бүлгүүдийн хурлыг шуурхай зарлажээ.

16:00 цагт УИХ дахь МАН-ын бүлэгт Ерөнхий сайдаар томилох хүний нэрийг танилцуулах бол үргэлжлүүлэн АН-ын бүлгийг хуралдуулахаар болжээ.