МАН-ын Удирдах зөвлөлийн хурал өнөөдөр 12:00 цагт эхэлсэн. Өнөөдрийн хуралд МАН-ын дарга, Ерөнхий сайдаар ажиллаж байсан хүмүүсийг урьж, өргөтгөсөн хурал хийж байгаа. Тэгвэл тус хурлаар МАН-ын генсек Я.Содбаатар хагаралдсан талуудыг эвлэрүүлэх ажлын хэсэг гаргахыг Удирдах зөвлөлийн гишүүддээ танилцуулжээ. УИХ-ын дарга асан Д.Амарбаясгалан, Ерөнхий сайд Г.Занданшатар нарын намын дарга болох гэсэн өрсөлдөөн МАН-ыг хоёр хуваагаад байна. МАН-ын бага хурлын үеэр дүрмийн бус санал хурааж Д.Амарбаясгаланг намын дарга болгосон нь маргааны эхлэл болсон билээ.

Тэгвэл үүнээс үүдэлтэйгээр Ерөнхий сайд Г.Занданшатарыг Үндсэн хуулийн бус аргаар огцруулж, УИХ-ын дарга Д.Амарбаясгалан ч огцроод байгаа юм. Тэгвэл МАН-ын удирдлагуудын зөрчилдөөнийг эвлэрүүлэх ажлын хэсэг байгуулах саналыг МАН-ын генсек гаргасан байна. МАН-ын Ерөнхий нарийн бичгийн дарга Я.Содбаатар нь Ерөнхий сайд Г.Занданшатарын талыг дэмжиж байгаа юм.