Ерөнхий сайд Г.Занданшатар өнөөдрийн Засгийн газрын ээлжит хуралдааны үеэр хариуцлагын гэрээгээ зөрчсөн Шадар сайд С.Амарсайханыг огцрууллаа. Тэрээр Шадар сайд С.Амарсайханыг Ерөнхий сайдыг огцруулах ажиллагаанд нэгдэж, төрийн эрхийг хууль бусаар авахыг оролдсон гишүүдийн талд зогсож, огцруулах кноп дарсан гэж буруутган огцруулж байгаа юм. Харин Шадар сайд С.Амарсайхан Засгийн газраас гарахдаа мэдэгдэл гаргасан билээ. Тэрээр үргэлж парламентын талд зогсох бөгөөд Засгийн газар улс орны ирээдүйг хямрал руу түлхэж, гадаад орны нөлөөнд өртөмтгий байгаа тул Засгийн газрыг орхилоо хэмээн мэдэгдсэн байна.