МАН-ын Удирдах зөвлөлийн хурал өчигдөр болсон. Тус хурлаар намын гишүүдийн эвлэрүүлэх ажлын хэсгийг гаргасан байдаг. Үүнээс өмнө Удирдах зөвлөлийн гишүүд цаг үеийн тодорхой саналуудыг гаргажээ. Тухайлбал, УИХ-ын дарга асан М.Энхболд үүсээд байгаа нөхцөл байдалтай холбогдуулан УИХ дахь МАН-ын бүлгийг яаралтай хуралдуулж, УИХ-ын шинэ даргыг томилох ёстойг хэлсэн байна. МАН-ын Удирдах зөвлөл өргөн бүрэлдэхүүнээр хуралдсан бөгөөд УИХ-ын дарга, Ерөнхий сайдаар ажиллаж байсах ахмад гишүүдээ хуралдаа оролцуулсны нэг нь М.Энхболд байжээ.

Ингээд МАН-ын Удирдах зөвлөлөөс УИХ дахь бүлэгт үүрэг даалгавар өгч, УИХ-ын шинэ даргыг яаралтай томилох асуудлаар М.Энхболд санал гаргасан байна. Гэвч МАН-ын Ерөнхий нарийн бичгийн дарга Я.Содбаатар энэ саналыг хүлээж аваагүй зөвхөн намын гишүүдийг эвлэрүүлэх ажлын хэсгийг байгуулаад хурлыг өндөрлүүлжээ.