Жил бүрийн Монгол бахархлын өдрөөр Монгол Улсад түүхэн онцгой гавьяа байгуулсан Монгол улсын иргэн, гадаадын иргэн болон хуулийн этгээдэд Ерөнхийлөгчийн шийдвэрээр “Чингис хаан” одонг соёрхон гардуулдаг уламжлалтай. Өнөө жил Монгол улсад хууль тогтоомжийг шинэчлэн батлах, хуульзүйн боловсролтой мэргэжилтэн бэлтгэх, их эзэн Чингис хааны шударга ёс, үйл хэргийг судлахад нөр их хөдөлмөрөө зориулсан Монгол улсын шинжлэх ухааны гавьяат зүтгэлтэн, хууль зүйн шинжлэх ухааны доктор (Sc.D), профессор С.Нарангэрэлд төрийн эрхэм дээд шагнал “Чингис хаан” тэргүүн зэргийн шагналыг олгохоор боллоо.