Улаанбаатар хотын гааль болон Замын-Үүдийн гаалийн газрын 4 байцаагчийг АТГ-аас саатуулан баривчилжээ. Тэднийг бусдаас их хэмжээний авлига авсан, үндэслэлгүй хөрөнгөжсөн, хясан боогдуулах замаар төрийн үйлчилгээг иргэн, аж ахун нэгжүүдэд үзүүлээгүй, төрийн ажлыг гацаасан гэдэг ноцтой хэргээр шалгаж байна. Улаанбаатар хотын гаалийн газрын А, Б, С нар, Замын-Үүдийн гаалийн газрын байцаагч Ц нар БНХАУ болон ОХУ-аас бараа татан авдаг аж ахуйн нэгжүүдийн барааны үнэлгээг хийхдээ багаар үнэлж, татварт бага мөнгө төлүүлэн шан харамж авдаг байжээ. Мөн эдгээр байцаагчтай хамжигч, зуучлагч гээд 20 орчим хүнийг давхар баривчлан саатуулжээ.