Засгийн газар 2026 оны улсын төсвийг батлахдаа ахмад настнуудын тэтгэврийн хэмжээг нийтэд нь 80 мянган төгрөгөөр нэмэхээр болсон. Өнгөрсөн тавдугаар сараас хойш ахмад настнууд тэтгэврийн доод хэмжээг 1.5 сая төгрөг болгохоор Төрийн ордны баруун хаалган дээр суулт зарлаад байсан юм. Ахмад настнуудын энэ суулт олон сар үргэлжилсэн. Тэгвэл Засгийн газраас ахмадын тэтгэврийн доод хэмжээг 1.5 сая төгрөг болгох эдийн засгийн боломжгүй хэмээн үзэж нийтэд нь 80 мянган төгрөгөөр нэмэгдүүлэх шийдвэр гаргасан нь энэ сараас хэрэгжиж эхлэх юм.