Аймаг, нийслэл, сум, дүүргийн ИТХ-ын сонгууль өнгөрсөн баасан гаригт дуусч, дүнгээ танилцууллаа. Энэ удаагийн сонгуульд парламентад суудалтай Хүн нам нэг ч суудал авч чадаагүй нь Засгийн газартай хамтарснаас болсон гэж олон нийт шүүмжилж байна. Тэгвэл УИХ-ын гишүүн Б.Найдалаа өнөөдөр хийсэн хэвлэлийн хурлын үеэр Хүн нам НИТХ-д нэг ч суудал аваагүй ч хариуцлага алдсан гэж үзэхгүй байгаагаа хэллээ. Харин иргэд саналаа мөнгөөр худалдсан нь алдаа гэж Хүн нам дүгнэсэн байна.