МАН-ын Удирдах зөвлөлийн 39 гишүүн хуралдаж, шинэ хотын дарга Б.Пүрэвдагвын оронд Л.Дашдэмбэрэлийг МАН-ын нарийн бичгийн даргаар түр томиллоо. Л.Дашдэмбэрэл нь Ерөнхий сайд Н.Учралын Ахлах зөвлөхөөр ажиллаж байна.

Ерөнхий сайд Н.Учралын ахлах зөвлөх Л.Дашдэмбэрэл өмнө нь Засгийн газрын хэрэгжүүлэгч агентлагийн Хөдөлмөр, халамжийн үйлчилгээний ерөнхий газрын дарга, УИХ-ын Тамгын газрын дэд дарга, ЗГХЭГ-ын даргын Ахлах зөвлөх бөгөөд Ажлын албаны даргаар ажиллаж байсан юм.