Нийслэлийн Сонгинохайрхан дүүргийн 1 дүгээр хороонд байшин шатаж 49 настай эрэгтэй амиа алджээ. Энэ талаарх  дуудлагыг 01:41 цагт хүлээн авч тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчдыг очиход, 3 метр хашаа, 5х5 метрийн хэмжээтэй байшин бүрэн шатаж байсныг ажиллан унтраасан байна. Харамсалтай нь уг гал түймэрт 49 настай эрэгтэй өртөж амиа алдлаа гэж ОБЕГ-аас мэдээллээ.